“Omdat hy My liefhet, sal Ek hom red,” sê die Here, “omdat hy My ken, sal Ek hom beskerm.” (Psalm 91:14)
Daar is niemand in die geskiedenis van die wêreld wie so ‘n radikale
invloed op die mensdom gehad het as Jesus Christus nie. Ons kan
ook sê dat daar niemand is oor wie daar so baie gepraat en geskryf is
nie.
Iewers in ons blootstelling aan die studie en gesprekke oor Christus
Jesus, het ons ongelukkig só gewoond geraak daaraan dat ons
dikwels kernwaarhede oor Hom miskyk.
Halwe waarhede oor Jesus Christus kry momentum wanneer die
oorspronklike en ware betekenis nie aangewend word nie. Met
hierdie studie neem ds. Johan Delport ons terug na Bybelse fondasies
en getuienis oor die dieper betekenis van wie Jesus werklik is.
Die studie word ook effektief deur praktiese toepassings in ons tyd
geïllustreer. Dit is so saamgestel dat dit as ‘n studiehandleiding in
groepverband (selgroep) gebruik kan word. Dit is ook ‘n uitstekende
platform vir persoonlike Bybelstudie.
Mag die inhoud van die studie, met die Bybel as verwysing, jou tot ‘n
dieper begrip van en belewenis met Jesus lei. Mag jy bemagtig word
met nuwe kennis oor ou Bybelse waarhede aangaande Jesus Christus,
ons Verlosser en Saligmaker.
Chris Heunis
Wie is die regte Jesus? (eBoek / PDF)
Hierdie eBoek / PDF is in A5 formaat en kan net so in Adobe of enige ander PDF app gebruik word.
U is welkom om die PDF uit te druk en te gebruik. Kontak ons gerus indien u die studie by die Kerk of selgroep wil aanbied en meer fotos of inligting benodig by riaan@gesinskerk.co.za.
Daar is sagteband Bybelstudies ook beskikbaar. Loer gerus in die Aanlyn Winkel om te sien of daar voorraad is.
Al ons digitale Bybelstudie materiaal behoort aan Tygerberg Gesinskerk.
Die Bybelstudies is gratis beskikbaar in PDF formaat.
U is welkom om die studies uit te druk en te gebruik, maar die materiaal mag nie as u eie uit gegee word of verander word sonder ons toestemming nie.
Vir meer inligting, kontak my gerus by glichelle@gesinskerk.co.za.